مقالات

الورقة (19) من أوراق أبي- صابرين يا دار أبوإسعيد صابرين ياحمدين- ياسين محمد نجيب

 

صابرين

يا دار ابو اسعيّد

صابرين..

ياحمدين

صابرين...

يا صحاب ويا حبايب                                   

 ويا قرايب صابرين...

صَبَرنا عَ الشِّدّه

وعند الشِّدّه بِتبَيّن الرّجال

دار العم ابو فوزي

ودار الخال

مصيبه... فاجعه... زلزال

وعند الزلزال بِتبَيّن الرجال

الله يعِّوض يا دار العم والخال

جبال كنتو والجبل ما بِهِزّو                           

زلزال...

عصفورين من بين ايدينا

قبل ما يِصَلو مَدرَسِتهم

صار اللي صار...

واحد ورى التاني

من العش طاروا

كيف...؟ وين...؟

شيخ الشباب و زينتهم

صايم و رايح يصلّي

لا افطَر و لا صلّى

... لحقهم                         

طار... وراهم

قبل ما يِفطر ولا يصلي

هَدّى عندهم

أبو عبدالله إنت حبيب

وعبدالله ابن الكل

يارب تكون مرتاح

عند رَبّ الكل

جُمعِة فوزي...

جَمَّعَت الكل...

من بعيد إجانا

الكل...

حبايب و اصحاب

جيران وقرايب

يـــا ربّ اتجازي

بالخير الكل...  

يا خال! كيف أحوالك؟؟

الله يمَسّيك بالخير

كيف ضيوفَك؟؟

تلاته ورا بعض

ف الجنّه إن شا الله

يكونوا قاعدين

الله يجــازي اللّي طَيّرهُم

و سَقانا المُرّ لما سَرَقهُم

حرامي سَرّاق إنتَ

سَرَقِت العصافير

زغار كانوا

جَرَحِت القلب جرح

كبير... والله كبير

مش راح يطيب

بالموت و الأجل احنا مآمنين

يا ربّ اكرمهم ...

وإنت أكرم الأكرمين

 

اضغط هنا للتواصل أو التعرف على ياسين محمد نجيب حمدان إسعيد حمدان الأغا

اظهر المزيد