| من أوراق ابي
الورقة التاسعة
قَََََــرّبَت الفَجّعَـــه
إجى شهر شَعبان
يعني قَرّبَت الفَجّعَه
وبَعدو رَمَضان
إللي بيٍدّبح ديك...
وإللي بيدّبح فرّخَه
ويٍمكن زَغاليل...
ويٍمْكِن بَطْ...
ويٍمْكِن أرانِب
كلّو مِن الدّار
إللي بيٍفتِل مَفّتول
وإللي بيخّبز فَراشيحْ
كلّو عشان الفجّعه
يمكن بُكّره...
و يمّكِن بَعّدو صّيامْ
يمّكِن بُكره نِتّسَحّر
يمّكِن نّصلي التّراويحْ
يمّكِن نِفّطًرْ في الدّيوانْ
نحُطّ الأكل على الطّبَق
و نُقْعُدْ نستنى المغرب
الأبو وحواليه أولادو
وجنبو أخوه وعمو
ويمكن إبن عمو
كلهم حوالين بعض
وجنب بعض...
وبحبوا بعض...
إللي بٍسَبِّحْ واللي بتحدّت
إللي عامل دَقّّه بطحينه حمّره
وإللي طابخ سلق و عدس
وإللي جايب فجل أحمر
وبصل اخضر
شهر الخير يارمضان
القطايف والقمر دين
شهر السهر والتلفزيون
شهر التمسيليات ...
والكلام الفاضى
شهر عباده وتوبه
شهر العشره الأواخر
شهر ليلة القدر
قبل العيد...
الخَتْمَهْ...
يخبزوا فراشيح
إمْ علي في الديوان
إلي بيعمل بيعّزِم إللي بيعملش
بيفطروا إم علي
وبيستنوا العيد
وقبل العيد الكعك
زحمه كتير عند البياعين
الكل بدو آله الكعك
لما يجي العيد
من الصبح بدري
كل لزغار بيستنوا العيديه
التّعْريفَه و القِرش
والقرشين اللي الهم قًرَن
و الشِلِمْ و البَريزَهْ
عالدّكان يشتريوا حامض
دُرُبْسْ و نَمْورَه...
كُلْ شَعْبان وأنتو بخير
وكل فَجْعَه و أنتو بخير
وكل رمضان و أنتو بخير
وكل سنه وانتو بخير | 
